Oila – ma‘naviyat va insonparvarlik maskani

Samarqand viloyatining Kattaqo‘rg‘on shahrida shu mavzuda respublika ilmiy-amaliy konferensiyasi bo‘lib o‘tdi. Konferensiyada oilalar mustahkamligi va farovonligini taʼminlash, farzand tarbiyasida eʼtibor qaratiladigan jihatlar, oilaviy nizolarning oldini olish masalalari yuzasidan maʼruzalar tinglandi. Unda Oila va gender ilmiy-tadqiqot instituti direktori, pedagogika fanlari doktori, professor N.Egamberdiyeva ham ishtirok etib, oilalarni mustahkamlash, yosh oilalarni qo‘llab-quvvatlash va boshqa yonalishlarda institut tomonidan amalga oshirilayotgan loyihalar haqida batafsil ma‘lumot berdi.