Malaka oshirish kurslari davom etmoqda

🟨 OILALARDA MA‘NAVIY-AXLOQIY MUHITNI SOG‘LOMLASHTIRISH UCHUN QANDAY CHORALAR ZARUR?

🔵 Malaka oshirish kurslari davomida oilalarda ma‘naviy-axloqiy muhitni sog‘lomlashtirish va mustahkamlash mavzusi bo‘yicha Oila va gender ilmiy-tadqiqot instituti katta ilmiy xodimi Rasul Hojiyev mashg‘ulotlar olib bordi. 

Unda oilalardagi ijtimoiy-ma‘naviy muhit tushunchasi va mazmuni, mamlakatimizda oilalarda ijtimoiy-ma‘naviy muhitni sog‘lomlashtirish va mustahkamlash bo‘yicha amalga oshirilayotgan islohotlar haqida so‘z bordi. 

🔵 Oilada ma‘naviy-axloqiy muhitni shakllantiruvchi asosiy omillar va salbiy ta‘sir qiluvchi tahdidlar, oilada ma‘naviy-axloqiy muhitni sog‘lomlashtirish va mustahkamlash bo‘yicha chora-tadbirlar va bu borada mahalladagi xotin-qizlar faoli amalga oshirishi lozim bo‘lgan amaliy ishlar alohida ta‘kidlandi.

AYOLLAR JINOYATCHILIGI PROFILAKTIKASI: NIMALAR MUHIM?

🔵 Malaka oshirish kurslari davomida ayollar jinoyatchiligi va uning profilaktikasi bo‘yicha Oila va gender ilmiy-tadqiqot instituti bo‘limi bo‘shlig‘i Xurshida Saydivaliyeva mashg‘ulotlar olib bordi. Unda ayollar tomonidan sodir etilayotgan jinoyatlar xususiyatlari, ularni keltirib chiqaradigan asosiy sabablar, xususan, oilaviy muhit, iqtisodiy holat va psixologik omillar ilmiy asosda tahlil qilindi. 

🔵 Kurs tinglovchilari ayollar jinoyatchiligini o‘rganishda ilmiy yondashuvlarni qo‘llash va tahlil qilish usullari bilan tanishdilar, ayollar tomonidan sodir etiladigan huquqbuzarliklarning oldini olishda ko‘maklashuvchi amaliy ko‘nikmalarga ega bo‘ldilar.

OILALARNING IQTISODIY FAROVONLIGIDA KREDIT VA SUBSIDIYALAR O‘RNI

🔵 ”Oilalarning iqtisodiy farovonligini oshirish masalalari” mavzusi bo‘yicha Oila va gender ilmiy-tadqiqot instituti bo‘limi boshlig‘i Bobur Xonto‘rayev mashg‘ulotlar olib bordi. Unda oilalarning iqtisodiy barqarorligini ta‘minlash va ularning farovonligini oshirish bo‘yicha asosiy yo‘nalishlar tahlil qilindi. Xususan, oilaviy tadbirkorlikni rivojlantirish, kredit va subsidiyalar berish tizimi hamda moliyaviy savodxonlikni oshirish muhim omillar sifatida ko‘rib chiqildi. 

🔵 Oilaviy tadbirkorlikni shakllantirish va rivojlantirishning asosiy jihatlari muhokama qilindi. Oilaviy biznesni tashkil etish, uning iqtisodiy samaradorligini oshirish va davlat tomonidan ko‘rsatilayotgan qo‘llab-quvvatlash mexanizmlari tahlil qilindi.

🔵 Oilalarga moliyaviy resurslardan foydalanish imkoniyatlarini kengaytirish masalalari ko‘rib chiqildi. Kredit, subsidiyalar va lizing xizmatlari orqali oilalarning iqtisodiy mustaqilligini ta‘minlash bo‘yicha mavjud amaliyotlar muhokama qilindi. Davlat va xususiy sektor tomonidan taqdim etilayotgan moliyaviy yordam shakllari, ulardan samarali foydalanish usullari tahlil etildi.

Fotolavha