“Xotin-qizlarni turmushga, oilaga, jamiyatga tayyorlashning amaliy-metodologik asoslari” mavzusidagi o‘quv kursi

Shundan so‘ng, professor Oynisa Musurmanova va pedagogika fanlari bo‘yicha falsafa doktori (PhD) Javdat Po‘latovlar tinglovchilar bilan O‘zbekistonda mahalla va oila institutini yana-da rivojlantirish, yoshlarni oilaviy hayotga tayyorlash borasida davlatimiz olib borayotgan siyosatning mazmun va mohiyati,O‘zbekiston Respublikasi Vazirlar Makhkamasining 2020-yil 31-dekabrdagi “OILA INSTITUTINI YANADA RIVOJLANTIRISH VA YoSHLARNI OILAVIY HAYOTGA TAYYORLASH CHORA-TADBIRLARI TO‘G‘RISIDA” gi 820- son qarorining ijrosini taʼmilash yuzasidan yoshlarni oilaviy hayotga tayyorlash mexanizmlari, Yoshlarni oilaviy hayotga tayyorlashda mutasaddilarning kompetentligi va kreativligi, imiji, xotin-qizlarni ijtimoiy qo‘llab-quvvatlarning innovatsion tizimi va uning mohiyati (“Ayollar daftari”,”Ayollar maslahat kengashlari”,Xotin-qizlar jamoatchilik kengashlari”) masalalari bo‘yicha seminar-trening o‘tkazdilar. Seminar-trening “Qadamba qadam” innovatsion pedagogik texnologiyasi asosida tashkil etildi.Seminar-trening mahallalarda, oilalarda yoshlarni oilaviy hayotga tayyorlash jarayonida paydo bo‘ladigan muammoli vaziyatlar, holatlar va ularning yechimi bo‘yicha bahs-munozaralar tarzida jonli va qiziqarli tashkil etildi.



Mazkur o‘quv seminari ZOOM dasturi orqali ham butun respublika mahallalari mutaxassislariga havola etildi.

Eslatib o‘tamiz joriy yilning 4-10-yanvar kunlari Viloyat va tuman xokimlarining oila, xotin-qizlar va ijtimoiy-maʼnaviy masalalar bo‘yicha jami 28 nafar o‘rinbosarlari uchun ham “Xotin-qizlarni turmushga, oilaga, jamiyatga tayyorlashning amaliy-metodologik asoslari” mavzusida o‘quv-seminar treningi tashkil etilgan edi. Bugundan boshlab o‘tkazilayotgan o‘quv kurslari uning mantiqiy davomi hisoblanadi.

Mahalla va oilani qo‘llab-qo‘llash

 vazirligi huzuridagi

 “Mahalla va oila”ilmiy-tadqiqot

 instituti Matbuot bo‘limi