🌐 O‘zbekiston va Xitoy: Xotin-qizlar tadbirkorligi va ijtimoiy loyihalar yo‘nalishida yangi hamkorlik

🌐 O‘zbekiston va Xitoy: Xotin-qizlar tadbirkorligi va ijtimoiy loyihalar yo‘nalishida yangi hamkorlik

O‘zbekiston delegatsiyasining Xitoy Xalq Respublikasiga amalga oshirayotgan rasmiy tashrifi doirasida xotin-qizlarning iqtisodiy mustaqilligini oshirish va gender strategiyalarini takomillashtirishga qaratilgan muhim amaliy uchrashuvlar o‘tkazildi.

🏭 "Zhuyuancun" Yanlin fabrikasiga rasmiy tashrif

Tashrif doirasida Xitoyning yirik oziq-ovqat va umumiy ovqatlanish imperiyasi — “Shaanxi Zhuyuancun Food Technology Co., Ltd.” kompaniyasining Shensi provinsiyasi, Yanlin (Yangling) iqtisodiy zonasida joylashgan ulkan ishlab chiqarish fabrikasida bo‘lindi.

Ushbu nufuzli tadbirda Oila va xotin-qizlar qo‘mitasi vakillari, 🧐 "Oila va gender" ilmiy-tadqiqot instituti direktori Nodira Egamberdiyeva hamda bo‘lim boshlig‘i Bobur Xonturayev ishtirok etishdi.

Maʼlumot uchun: Xitoyning yirik umumiy ovqatlanish va oziq-ovqat kompaniyalaridan biri bo'lgan "Shaanxi Zhuyuancun Food Technology Co., Ltd." (陕西竹园村食品科技股份有限公司) hamda mashhur "Zhuyuancun" (竹园村) hot-pot (ganyao / qaynoq qozon) restoranlar tarmog'ining asoschisi Chjou Sutsing (周素琴 - Zhou Suqin) xonim o'z biznesini 1990-yilda Shensi (Shaanxi) provinsiyasining Nanzheng uezdida oddiygina tofu (baxajor) sotishdan va bor-yo'g'i 3 ta stolga mo'ljallangan kichik ovqatlanish joyidan boshlagan. Brend nomi bo'lgan "Zhuyuancun" (bambukli qishloq) uning tog' etaklaridagi yashil bambuklarga bo'lgan muhabbatidan va bambuk kabi mustahkam, egiluvchan va matonatli bo'lish ramzidan olingan. Keyinchalik u o'zining maxsus retseptlari (ayniqsa, kislotali-achchiq baliqli hot-pot) bilan tanilib, kichik korxonani yirik oziq-ovqat va restoranlar tarmog'i imperiyasiga aylantirgan.

🤝 O‘zbekiston uchun erishilgan muhim va manfaatli kelishuvlar:

Ikki tomonlama tajriba almashish va ijtimoiy loyihalarni muhokama qilish yakunida O‘zbekiston uchun iqtisodiy jihatdan juda manfaatli bo‘lgan quyidagi aniq kelishuvlarga erishildi:

🔹 Biznes-inkubatorlar tajribasi: Kichik oilaviy korxonalarni yirik sanoat darajasigacha olib chiqish bo‘yicha “Zhuyuancun” modelini O‘zbekiston hududlarida gender strategiyalari doirasida tatbiq etish;

🔹 Ayollar tadbirkorligini o‘qitish: O‘zbekistonlik xotin-qizlarni zamonaviy ishlab chiqarish texnologiyalari, menejment, qadoqlash va marketing yo‘nalishlarida Xitoy tajribasi asosida qayta tayyorlash va malaka oshirish dasturlarini yo‘lga qo‘yish;

🔹 Qo‘shma ijtimoiy loyihalar: Xotin-qizlarning iqtisodiy mustaqilligini oshirish, ularni doimiy ish o‘rinlari bilan taʼminlash va ijtimoiy tadbirkorlikni qo‘llab-quvvatlash bo‘yicha uzoq muddatli hamkorlik dasturlarini ishga tushirish.

🚀 Asosiy maqsad: Xitoyning ilg‘or korporativ modellaridan foydalangan holda, O‘zbekistonda xotin-qizlarning iqtisodiy mustaqilligi va bandligini yangi bosqichga olib chiqish.