Jizzax shahrida mahalla xotin-qizlar faollari uchun malaka oshirish kurslari boshlandi

Jizzax shahrida mahalla xotin-qizlar faollari uchun malaka oshirish kurslari boshlandi. Ularda 5 ta tumandan 60 nafardan ortiq mahalla xotin-qizlar faollarining malakasini oshirish rejalashtirilgan.

⚡️ Oila, xotin-qizlar va gender yo‘nalishdagi normativ-huquqiy asoslar mavzusi bo‘yicha Oila va gender ilmiy-tadqiqot instituti bo‘lim boshlig‘i Xurshida Saydivaliyeva mashg‘ulotlar olib bordi. 

✏️ Oila, xotin-qizlar va gender yo‘nalishidagi normativ-huquqiy asoslar tahlil qilindi. Jumladan, oilaviy munosabatlarni tartibga soluvchi milliy va xalqaro qonunchilik, xotin-qizlar huquqlarini himoya qilishga oid normalar hujjatlar, gender tengligini ta‘minlash mexanizmlari o‘rganildi. 

✏️ Shuningdek, O‘zbekiston Respublikasining Oila kodeksi, “Xotin-qizlarni tazyiq va zo‘ravonlikdan himoya qilish to‘g‘risida”gi qonuni, “Xotin-qizlar va erkaklar uchun teng huquq va imkoniyatlar kafolatlari to‘g‘risida”gi qonuni hamda BMTning “Xotin-qizlarga nisbatan kamsitishning barcha shakllarini tugatish to‘g‘risida”gi konvensiyasi kabi xalqaro hujjatlar tahlil qilindi.

MIGRATSIYADAN QAYTGAN XOTIN-QIZLAR BILAN QANDAY ISHLANADI?

⚡️Migratsiyadan qaytgan xotin-qizlar bilan manzilli ishlash mexanizmi mavzusi bo‘yicha Oila va gender ilmiy tadqiqot instituti bo‘lim boshlig‘i Jahongir Rustamov mashg‘ulotlar olib bordi.

 ✏️Xotin-qizlar faollariga ayollar mehnat migratsiyasining mohiyati, uning iqtisodiy va ijtimoiy sabablarini, shuningdek, migratsiyaning ijobiy va salbiy oqibatlarini tushunish imkoniyatini beradi. Shu bilan birga, mehnat migratsiyasi bo‘yicha O‘zbekiston Respublikasining davlat siyosati, xavfsiz va qonuniy mehnat migratsiyasini ta‘minlashga qaratilgan huquqiy asoslar va xalqaro tashkilotlar bilan hamkorlikda olib borilayotgan dasturlar haqida ma‘lumotlar berildi.

Fotolavha