AXBOROT XATI

10:05 - 28 Mart Yangiliklar
154

O‘zbekiston Respublikasi Oliy ta‘lim, fan va innovatsiyalar vazirligining 2025- yilda o‘tkaziladigan ilmiy va ilmiy-texnik tadbirlar rejasiga muvofiq, joriy yilning 15-may sanasida “Xalqaro oila kuni” munosabati bilan Oila va gender ilmiy-tadqiqot instituti tomonidan “Oila institutini mustahkamlashning dolzarb masalalari: farovon oila va barqaror kelajak” mavzusida xalqaro ilmiy-amaliy konferensiya o‘tkaziladi.

Konferensiya onlayn va oflayn formatda o‘tkazilishi rejalashtirilgan.

ness image

 Konferensiya quyidagi sho‘balarda olib boradi:

1. “Yashil oila” modeli: xorijiy tajriba va milliy yondashuvlar.

2. Oilalar farovonligi va kambag‘allikni qisqartirish – demografik barqarorlik hamda ijtimoiy taraqqiyot mezoni.

3. Oilada ongli ota-onalik muhitini yaratishning psixologik, pedagogik va ijtimoiy jihatlari.

4. Yoshlarning oilaviy hayotga tayyorgarlik darajasini oshirishning innovatsion yechimlari.

5. Oilada gender tengligini ta‘minlash – barqaror rivojlanish kafolati.

 

Anjumanning rasmiy tillari: o‘zbek, rus va ingliz.

Maqola matnini tayyorlash bo‘yicha talablar:

 

1. Matn Microsoft Word matn muharririda, Times New Roman shrifti, 14 o‘lcham, 1,5 interval, yuqori va pastdan 2 sm, o‘ngdan 1,5 va chapdan 3 sm qoldirilib, rasmiylashtiriladi.

2. Sarlavhadan keyin muallif(lar)ning ismi, sharifi va familiyasi, ilmiy darajasi, ish joyi ko‘rsatiladi, bir interval tashlab annotatsiya va kalit so‘zlar uch tilda keltiriladi, so‘ng 2 interval tashlab asosiy matn va oxirida adabiyotlar ro‘yxati keltiriladi.

3. Maqola mazmuni konferensiya mavzusi va yo‘nalishlariga mos bo‘lib, dolzarbligi asoslanishi, tahlil va amaliy tavsiyalar berilishi, hajmi A4 formatda 4–7 sahifadan iborat bo‘lishi kerak.

4. Yuboriladigan fayl muallifning familiyasi bilan nomlangan bo‘lishi shart.

5. Matnda keltirilgan fikrlar, statistik ma‘lumotlar, aks etgan g‘oyalar, shuningdek, matn orfografiyasi uchun mas‘uliyat muallif zimmasida qoladi.

6. Maqolalar to‘plam holida chop etiladi. Maqolalar va ishtirokchi anketasi yuboriladigan elektron manzil: telegram: +998 (97) 141-94-27. Omila Aripova.

7. Maqola topshirishning oxirgi muddati: 2025-yil 10-may.

8. Talablarga javob bermaydigan maqolalar to‘plamga kiritilmaydi.

 

Tashkiliy qo‘mita manzili:

 Toshkent shahar Chilonzor tumani, Chilonzor ko‘chasi, 25-uy.

Oila va gender ilmiy-tadqiqot instituti.

Telefon: H.Norqulov +998 (90) 925-08-69.

veb-sayt: www.moiti.uz

 

Ilmiy-amaliy konferensiya

tashkiliy qo‘mitasi

 

 

Ishtirokchi anketasi

Muallifning F.I.Sh.

Shahar (tuman)

Ish joyi

Ilmiy darajasi, ilmiy unvoni

Maqola nomi

Sho‘ba nomi

e-mail

Telefon raqami

 

 

Chop etish