O‘zbekiston va Tojikiston xotin-qizlar hamkorligida yangi sahifa: “Navro‘z–ayollar birdamligi bayrami” ayollar forumi

O‘zbekiston Respublikasi Prezidenti Shavkat Mirziyoyevning Tojikistonga rasmiy tashrifi doirasida tarixiy ahamiyatga ega uchrashuvlar, kelishuvlar va do‘stona tadbirlar bilan birga, madaniy-gumanitar forumlar ham o‘tkazildi.

Shulardan biri — Tojikistonning Xo‘jand shahrida bo‘lib o‘tgan “Navro‘z – ayollar birdamligi bayrami” forumi bo‘lib, unda Oila va gender ilmiy-tadqiqot instituti direktori Nodira Egamberdiyeva ham ishtirok etdi.

🔹Forum – ming yillardan buyon xalqlarimiz o‘rtasida shakllangan do‘stlik, qardoshlik va birdamlik an‘analarining yangi davomi. Prezident Shavkat Mirziyoyevning Tojikistonga tashrifi nafaqat siyosiy yoki iqtisodiy, balki insonparvarlik asosidagi hamkorlikning yangi bosqichini boshlab berdi.

🔹N. Egamberdiyeva o‘z nutqida O‘zbekistonda tadbirkorlik rivojida xotin-qizlarning roli va ishtiroki bo‘yicha gapirib o‘tdi. 

✏️Forum doirasida ayollar salohiyatini rivojlantirish, ma‘naviy qadriyatlarni mustahkamlash, ekofaollik bo‘yicha xalqaro hamkorlik tashabbuslari ilgari surildi. Bu borada tajriba almashish va ayollarning ovozini mintaqaviy va global darajaga olib chiqish zarurligi ta‘kidlandi.

👉 Fotolavha