“Oltin fond” Jizzaxga yo‘l oldi

Avval xabar berganimizdek, Jizzax shahrida bo‘lib o‘tayotgan davra suhbati davomida Oila va gender ilmiy-tadqiqot instituti olimlari tomonidan tayyorlanib nashr qilingan yangi o‘quv-uslubiy va amaliy qo‘llanmalar taqdimoti o‘tkazildi. Yig‘ilganlarga ushbu adabiyotlarda xotin-qizlarning ijtimoiy-siyosiy faolligini oshirish, xotin-qizlar migratsiyasining sabab va oqibatlari, xotin-qizlar o‘rtasida ishsizlik masalasining sabablari va ularni hal etish yo‘llari hamda gender tengligini ta‘minlash kabi dolzarb masalalar bo‘yicha ma‘lumotlar berildi.

Tadbir davomida Jizzax viloyati mahalla xotin-qizlar faollarini uslubiy qo‘llab-quvvatlash maqsadida institut ilmiy jamoasi tomonidan tayyorlangan 13 turdagi jami 4199 nusxadagi uslubiy adabiyotlar Jizzax viloyat oila va xotin-qizlar boshqarmasiga yetkazib berildi.

👉 Fotolavha

“Tahririy-noshirlik va axborot texnologiyalarini rivojlantirish”

bo‘limi xodimi Odiljon Yakubov xabari