Mahalla xotin-qizlar faollari uchun munosib qo‘llab-quvvatlov

Bugun Toshkent viloyatining Chirchiq shahrida mahalla xotin-qizlar faollarining malakasini oshirish bo‘yicha o‘quv kurslari tashkil qilindi. Ushbu o‘quv kurslarida viloyatning Chirchiq shahri, Bo‘stonliq, Parkent, Qibray va Toshkent tumanlaridan tashrif buyurgan jami 185 nafar mahalla xotin-qizlar faoli qatnashib, Oila va gender ilmiy-tadqiqot instituti olimlari tomonidan tayyorlangan adabiyotlarni qabul qilib oldilar.

O‘quv kursi ishtirokchilarini uslubiy qo‘llab-quvvatlash maqsadida mas‘uliyatli ota-onalik, yosh kelin-kuyovlarni oilaviy hayotga tayyorlash, mahallalarda notinch oilalar bilan ishlash mexanizmlari, oila va nikoh munosabatlari mustahkamligining dunyoviy va diniy asoslari, ayollarga huquqiy maslahat, gender zo‘ravonlikka qarshi idoralararo chora ko‘rish, ayollar mehnat migratsiyasining huquqiy va iqtisodiy jihatlari kabi dolzarb mavzular keng yoritildi.

Shuningdek, yuqorida nomlari keltirilgan tuman va shaharlarda uyushtiriladigan “Kitoblar karvoni” tadbiri doirasida jami 625 nafar mahalla xotin-qizlar faollari hamda 23 ta shahar va tuman boshqarma boshliqlariga 7 nomdagi jami 4536 nusxada uslubiy adabiyotlar yetkazib berilishi ko‘zda tutilgan. 

👉 Fotolavha