Farg‘ona seminar-treningiga oid maʼlumot (2021-yil 29-30-yanvar)

“Mahalla va oila” ilmiy-tadqiqot instituti xodimi falsafa doktori, dotsent Mohira Xoliqova tomonidan rahbar va mutaxassislar uchun 12 soatga mo‘ljallangan “Mahalla va oila tizimi mutaxassislarining professional kompetensiyalarini rivojlantirishning konseptual aspektlari” mavzusida seminar-trening tashkil etildi.

Treningda hududiy boshqarma xodimlari, mahalla raislarining oila, xotin-qizlar va ijtimoiy masalalar bo‘yicha o‘rinbosarlari, hududiy “Obod va havfsiz mahalla” bo‘limlari boshliqlari va mutaxassislari  ishtirok etdi.

Trening kun tartibidan quyidagi mavzular o‘rin oldi:

-        mahalla va oila tizimida maʼnaviy-maʼrifiy faoliyat;

-        mutaxassislar faoliyatida psixologik bilimlarning o‘rni;

-        psixologik zo‘rlik va u bilan ishlash psixotexnikasi;

-        abyuzing va gazlayting;

-        ijtimoiy rollar, gender tengligi masalalari;

-        mediatsiya – oilaviy nizolarni bartaraf etishning alternativ usulini amaliyotiga tatbiq etish;

-        XXI asrning konseptual xususiyatlarining oila institutiga taʼsiri muammolari;

-        yoshlarni oilaviy hayotga tayyorlashning huquqiy, maʼnaviy-maʼrifiy, psixologik, diniy, iqtisodiy aspektlari;

-        yosh oilalarning ijtimoiy-psixologik muammolari;

-        oiladagi shaxslararo munosabatlar etikasi va standartlari;

Seminar-trening davomida hududiy boshqarma boshlig‘i o‘rinbosari Dilnoza Ergasheva rahbarligida mahallalarda oilaviy ajrimlar, oilaviy nizolar prevensiyasi, yoshlar taʼlim-tarbiyasi yo‘nalishida olib borilayotgan ishlar o‘rganildi.

Shuningdek, mutaxassislar o‘rtasida oilaviy nizolar, xodimlar faoliyatida mediativ texnikalarning ahamiyatiga oid anketa-so‘rovlari o‘tkazildi.

Trening ishtirokchilariga sertifikatlar taqdim etildi.

Mohira Xoliqova,

“Mahalla va oila” ilmiy-tadqiqot instituti

katta ilmiy xodimi

falsafa doktori, dotsent,

ishchi guruh aʼzosi