Abduramanov Xamid Xudaybergenovich

“Oila va xotin-qizlar” ilmiy-tadqiqot instituti direktorining tashkiliy ishlar bo‘yicha o‘rinbosari

Iqtisodiyot fanlari doktori, professor

elektron pochta: abduramanov@moiti.uz, khamid.abduramanov@bk.ru

1996 – 2001-yillar davomida Nukus davlat pedegogika instituti bakalavriat bosqichi, 2001 – 2003-yillar davomida Berdaq nomidagi Qoraqalpog‘iston davlat universiteti magistratura bosqichida, shuningdek, 2003 – 2006-yillarda O‘zbekiston Respublikasi Fanlar akademiyasi iqtisodiyot instituti aspirantura bosqichida tahsil olgan. X. Abduramanov oila demografiyasi va mehnat iqtisodiyoti bo‘yicha 1 ta darslik, 8 ta o‘quv qo‘llanma, 4 ta monografiya va 60 dan ortiq ilmiy maqolalar muallifi.

2007-yilda “O‘zbekistonda qariyalarni ijtimoiy himoya qilishning demografik asoslari” mavzusida fan nomzodi, 2021-yilda “O‘zbekiston Respublikasi iqtisodiy xavfsizlikni ta‘minlashda demografik jarayonlarni tartibga solishning ilmiy-uslubiy asoslarini takomillashtirish” mavzusida fan doktorlik dissertatsiyasini himoya qilgan. 2018-yildagi “Oliy ta‘lim muassasasining eng yaxshi pedagogi” umumrespublika tanlovi g‘olibi.

2017–2020-yillarda BF-1-028 – “Demografik xavfsizlik jihatidan oilani mustahkamlash muammolarini tadqiq etishning konseptual asoslari” mavzusidagi fundamental, 2018–2020-yillarga mo‘ljallangan PZ-20170928644 – “O‘zbekiston qishloq aholisini ish bilan ta‘minlash muammolari” mavzusidagi amaliy loyiha ijrochisi. Shuningdek, X.Abduramanov BMTning Aholishunoslik jamg‘armasi (UNFPA) tomonidan moliyalashtirilgan 2 ta xorijiy loyihaga rahbarlik qilgan.

Mokva davlat xalqaro munosabatlar institutida “Migratsionniye mosti v Yevrazii: novaya migratsionnaya realnost v epoxu COVID-19” mavzusidagi XIII xalqaro ilmiy-amaliy forumdagi va Italiyaning Rim shahrida “Hayot davomida birdamlik va teng imkoniyatlar uchun kuchlarni birlashtirish” mavzusidagi konferensiya ishtirokchisi.