Malaka oshirish kurslarining to‘rtinchi kuni o‘tmoqda

MAHALLA XOTIN-QIZLAR FAOLLARI QANDAY ZAMONAVIY KO‘NIKMALARGA EGA BO‘LISHI KERAK?

Oila va gender ilmiy-tadqiqot instituti ilmiy xodimi Husniddin Norqulov malaka oshirish kurslari davomida “ Mahalla xotin-qizlar faollarining zamonaviy ko‘nikmalari va imiji” mavzusida mashg‘ulotlar olib bordi. Mazkur mashg‘ulot davomida mahalla xotin-qizlar faollarining zamonaviy jamiyatdagi o‘rni, ularning kasbiy va ijtimoiy ko‘nikmalari hamda imiji tahlil qilindi. Xotin-qizlar faollari tomonidan aholining huquqiy savodxonligini oshirish, gender tengligini targ‘ib qilish va jamiyatdagi ijtimoiy muammolarni hal etishga qaratilgan faoliyat muhokama etildi. Xotin-qizlar faollarining samarali faoliyat yuritishi uchun zarur bo‘lgan asosiy ko‘nikmalar ko‘rib chiqildi. Jumladan, aholining turli qatlamlari bilan samarali muloqot qilish, muammolarni aniqlash va hal etish, davlat va jamoat tashkilotlari bilan hamkorlik qilish, shuningdek, gender siyosatini mahalliy darajada targ‘ib etish bo‘yicha amaliy bilimlar berildi.  

Xotin-qizlar faollarining yetakchilik fazilatlari, muloqot madaniyati, tashqi qiyofa va axloqiy me‘yorlarga rioya qilish, shuningdek, ijtimoiy tarmoqlardagi faollik va jamoatchilik bilan hamkorlik qilish masalalari muhokama qilindi.

SOG‘LOM TURMUSH TARZI – FAROVON OILA ASOSI

Malaka oshirish kurslari davomida mazkur mavzu bo‘yicha Oila va gender ilmiy-tadqiqot instituti ilmiy kotibi Ulug‘bek Jabborov mashg‘ulot olib bordi. Mashg‘ulotda sog‘lom oilani shakllantirish, ota-onalikka tayyorgarlik, mas‘uliyatli ota-onalik mezonlari, ota-onaning pedagogik-psixologik malakalari, ota-onaning iqtisodiy bilimdonligi, oilani ixtiyoriy rejalashtirish va uning afzalliklari, demografik rivojlanish bo‘yicha bilimlar berildi.

Kurs tinglovchilari mahallalarda, ta‘lim muassasalarda mas‘uliyatli ota-onalik mezonlarini joriy qilish, oilalarning reproduktiv salomatligini mustahkamlash, sog‘lom turmush tarzini targ‘ib qilish, xotin-qizlar sportini ommalashtirish bo‘yicha amaliy ko‘nikmalarga ega bo‘ldi.

Fotolavha