Malaka oshirish kurslarining uchinchi kuni o‘tmoqda

XOTIN-QIZLAR UCHUN TA‘LIM VA ILM-FANDAGI IMKONIYATLAR

✏️Oila va gender ilmiy-tadqiqot instituti ilmiy kotibi Ulug‘bek Jabborov malaka oshirish kurslari davomida “Ta‘lim, ilm-fan, innovatsiya va boshqa sohalarda xotin-qizlarni qo‘llab-quvvatlash” mavzusida mashg‘ulotlar olib bordi.

⚡️Unda hozirgi kunda yurtimizda xotin-qizlarning ta‘lim, ilm-fan, innovatsiya va boshqa sohalarda amalga oshirilayotgan amaliy ishlarning jamiyatda tutgan o‘rni hamda jamiyat hayotidagi nufuzini yana-da oshirish, ularning ta‘lim olishi, ish bilan ta‘minlanishi, jamiyatda saqlanib qolgan stereotiplar tufayli xotin-qizlarning faqat maishiy hayotda asqatishi mumkin bo‘lgan ijtimoiy kasblarni egallashga majbur bo‘lishining oldini olish borasidagi fikr-mulohazalar muhokama qilindi.

YOSHLARNI OILAVIY HAYOTGA TAYYORLASH MASALALARI

🔹Mazkur mavzu bo‘yicha Oila va gender ilmiy-tadqiqot instituti katta ilmiy xodimi Husniddin Norqulov mashg‘ulot olib bordi. Unda yoshlarning oilaviy hayotga ruhiy, axloqiy, ijtimoiy va huquqiy jihatdan tayyorligini ta‘minlash usullari haqida batafsil ma‘lumot berildi. 

🔹Tadbirda, shuningdek, yoshlarni oilaviy hayotga tayyorlashda oila va jamiyatning rolini mustahkamlash, psixologik ko‘maklashish, ijtimoiy va ma‘naviy qonuniylikni tashviq qilish masalalariga alohida urg‘u berildi.

Fotolavha